- Alborecemos col cielu cubiertu por nubes baxes y dalgo d’orpín na fastera oriental con unes temperatures que tan alrodiu de los 13ºC, rexistrándose nel puirtu Payares 5,4ºC.
- Güei vamos tener el día nuble col cielu cubiertu y la posibilidá de dalgo d’orpín alrodiu de los cordales costeros, sobre too pela mañana con unes temperatures que van descender moderadamente con másimes que van quedar perdebaxo de los 20ºC.
- Mañana miércoles alboreceremos col cielu poco nuboso en xeneral pero con tendencia a nublase rápidamente con un descensu de les temperatures mínimes, mentantu les másimes ascenderán llixeramente. Na cordelera y fastera surocidental va tar más escampláu.
- El xueves torna’l branu col cielu poco nuboso y ascensu de les temperatures másimes, les mínimes seguirán siendo fríes.
- El vienres, sábadu ya domingu tendremos un fin de selmana d’auténticu branu con ascensu progresivu de les temperatures que podrán algamar los 33ºC el domingu col cielu escampláu.
