Publicado en BIC: Bien d'Interés Cultural, Quesos

La cultura quesera asturiana, camín de ser BIC de calter inmaterial

🧀 La conseyera de Cultura, Política Llingüística y Deporte, Vanessa Gutiérrez, participó ayeri na reunión plenaria de la Real Cofradía d’Amigos de los Quesos del Principáu d’Asturies.
🏛️ El Gobiernu d’Asturies ta trabayando nel espediente pa declarar la cultura quesera asturiana como Bien d’Interés Cultural de calter inmaterial, coles mires de reconocer y protexer los conocimientos, oficios y tradiciones que formen parte d’esti patrimoniu y favorecer la so tresmisión a les xeneraciones futures.

Un alcuentru que sirvió pa poner en valor la riqueza de la nuestra tradición quesera, el trabayu de les queseríes asturianes y la importancia de conservar y tresmitir esti patrimoniu gastronómicu y cultural, tan venceyáu al territoriu y a la nuestra identidá. Nesta ocasión, el protagonismu foi pa la Quesería d’Onao y el so quesu Gamonéu, exemplu de la calidá de la producción artesanal asturiana.

Autor:

Maestra de Llingua Asturiana Colexu Carmen Ruiz-Tilve - Uviéu