La conseyera de Cultura, Política Llingüística y Deporte, @av_gutierrez, participó güei na décima edición del Día’l Traxe’l País, X Concursu y Muestra de Traxes Tradicionales Asturianos en Grau.
Una cita yá consolidada que muestra la riqueza y diversidá de la indumentaria tradicional asturiana, amás del trabayu d’investigación, recuperación y conservación que permite tresmitir esti patrimoniu cultural de xeneración en xeneración.
El Día’l Traxe’l País ye tamién un espaciu d’alcuentru alredor de la nuestra cultura popular, nel que se reivindiquen los saberes, materiales, técniques y formes de vistir que formen parte de la memoria colectiva d’Asturies.
Una herencia que mira tamién al futuru col proyectu del Muséu del Traxe, concebíu como un espaciu pa conservar, estudiar, espublizar y poner en valor la indumentaria tradicional asturiana y tol patrimoniu cultural asociáu a ella.