La Regalina

/

La fiesta de la Regalina, La Riégala o Santa María de Riégala celebrase  nel pueblu de Cadavedo, asitiáu nel conceyu de Valdés nel Principáu d’Asturies. Tien llugar al campu, nel campu de La Garita asitiáu a la vera de la ermita de Santa María de Riégala; llugar dende onde se tien unes vistes a unos cantiles de guapura singular. Ver videu.

…..El festexu data del añu 1931 y foi impulsáu pol sacerdote Galo Antonio Fernández y Fernández cola cuenta d’honrar a la Virxe, que la so imaxe atopase nel llugar nel que se llevanta la ermita. Caltien un gran sabor asturiano, con folclore, costumes y tradiciones rexonales.

/

…..El domingu, día principal, empieza la fiesta pela mañana dende’l Barriu de Tosquila, con un desfile de xarrés engalanaos que porten los ramos d´alfiladas, flores y otros presentes, hasta la llegada al campu de La Garita. Tres la misa solemne, empecípiase la procesión cola Virxe de Riégala, la llectura del pregón, en faliecha valdesana, y los bailles rexonales, ente ellos la Danza Prima del Ramu.

Vení ver cousas nun vistas
xunta l’armitina nueva
ya plasmáy cu’la surrisa
de la Santina de Riegla
que puede que vus convide
pa que’inda vólvades vela.


Los trabayos son complexos y peligrosos yá que’l terrén ta mui húmedu. Videu.

Pieza a pieza entamó esta mañana’l desmontaxe del horru del campu de La Regalina, en Cadavéu, Valdés. Un argayu qu’amenazaba la so permanencia complicóse, por eso l’operativu pa salvalu entamó bien ceo.

Los trabayos son complexos y peligrosos porque’l terrén ta mui húmedu y en cualquier momentu podría cayer pel cantil.

El Conceyu de Valdés decidió poner en marcha los trabayos darréu. L’operativu cuesta 36.000 euros, que paga’l consistoriu valdesanu. L’oxetivu final ye salvar un horru que podría tener cerca de 200 años y que lleva nel campu de la fiesta dende 1962.

Los vecinos caltienen viva la esperanza de salvar l’emblema del pueblu. Ta previsto que los trabayos sigan toa esta xornada y que s’allarguen tamién el fin de selmana.

/ Videu