- Alborecemos col cielu empuercáu de los restos de les tormentes d’ayeri y actividá tormentosa na fastera más ocidental d’Asturies ya con unes temperatures que tan alrodiu de los 16ºC, rexistrándose nel puirtu Payares 11,8ºC.
- Güei vamos tener nubes de desendolque vertical que dirán ganando terrén durante’l día pa dexanos xarabatos tormentosos pela tarde, esta vegada sobre too na fastera centru-oriental d’Asturies, nun descartándose nel restu. Les temperatures en llixeru descensu pero tovía mui altes pa la época na que mos atopamos.
- Mañana domingu vamos tener el cielu empuercáu de nubes altes que dirán desendolcándose durante’l día pero sin más consecuencies, sicasí al finar el día pue cayer dalguna tormenta nel estremu oriental d’Asturies y al sur de la cordelera. Les temperatures n’ascensu con másimes de nuevu alrodiu de los 30ºC.
- El llunes, martes ya miércoles seguimos baxo esta fola de calor estremu con unes temperatures másimes que rondarán los 35ºC, situación totalmente fuera de lo normal y a la que nun tamos avezaos polo que munchu precuru, sobre too cola xente mayor, les rapacines ya rapacinos, hidratase bien, nun esponese al sol y nun facer actividaes físiques importantes nes hores de mayor calor, nun tamos llibres naide d’un golpe de calor, munchu precuru de verdá.
