La música tradicional xorrez esti vienres, sábadu y domingu dende Cuideiru hasta Piloña, con protagonismu del baille asturianu y la tonada t
Arduríu pixuatu, folclore de Cudillero entama la ‘I Muestra Folclórica’, Xaréu D Ochobre Aviles el ‘Festival Infantil de Baile’ y en Chigre La Maléfica actúen Lolo Cabranes y Fonsu Les Regueres. Musicasturiana.com
La música tradicional xorrez esti vienres, sábadu y domingu dende Cuideiru hasta Piloña, con protagonismu del baille asturianu y la tonada. El Chigre La Maléfica de L’Infiestu sigue programando asturianada en collaboración con AICA (Asociación d’Intérpretes de Canción Asturiana) y esti vienres 20 a les 20h actúen Lolo Cabranes a la voz y Fonsu Les Regueres a la gaita. Lolo Cabranes (1954) tien participao nuna montonera concursos, algamando los primeros premios en dellos; Fonsu Regueres (1971) ye docente, coleccionista de gaites vieyes y participa activamente en llabores d’investigación y divulgación del instrumentu.
Per otru llau, el sábadu 21 a les 12h l’agrupación de folklore de Cuideiru Arduriu Pixuatu entama la I Muestra Folklórica. Nella van partcipar los grupos Brisas de Aguilar (Muros de Nalón), La Folixa (Carreño) y La Hedra (Uviéu) nuna xornada na que va haber desfile de toles agrupaciones y bailles na plaza de San Pedro.
La programación rellacionada col baille’l país zárrase’l domingu 22 a les 17.30h col Festival Infantil de Baile qu’organiza Xaréu d’Ochobre y que presenten como «un alcuentru pensáu pa que la nuestra reciella seya la verdadera protagonista: compartiendo escenariu, folclore y momentos inolvidables con otros neños y neñes que, como ellos, caltienen viva la nuestra cultura». «La cantera ye’l corazón de cualquier grupu folclóricu«, añade esta agrupación sobre l’eventu qu’entama nel parque de Bustiello, n’Avilés.
