Xixón proxecta un nuevu auditoriu para grandes eventos como’l Roig Arena de Valencia mirando al mar. L’edificiu tendría una estructura modular para afaese a distintos aforos y una xestión mista en terrenes próximos a la sablera verde. LNE
Un gran auditoriu qu’allugue actos y conciertos de más de 5.000 persones, como los qu’agora se celebren nel Palaciu de los Deportes, con una estructura modular para afaelo a aforos variaos y que sía’l símbolu del tresformamientu de la Ería del Piles. El Conceyu atópase en conversaciones con dellos promotores privaes para construyir un nuevu equipamientu cultural n’una finca amiesta a la acabante estrenar sablera verde Luis Enrique Martínez, n’El Rinconín. La idea ye siguir un modelu como l’instauráu en Valencia col pabellón Roig Arena.
