Actualidá / Asturies rexistró más de 30,8 millones de viaxes en tresporte públicu per carretera nel primer semestre de 2026. En xunu utilizaron l’autobús un 10% más de viaxeros que l’añu pasáu. Los servicios del CTA ganen un 6,6% d’usuarios y ocho de cada diez trayectos #validar con Conecta, el billete únicu asturianu.
Asturies cerró la primer metá del añu con un notable aumentu de viaxeros nel tresporte públicu per carretera. Los servicios del Consorciu de Tresportes d’Asturies (CTA) rexistraron 30.826.502 trayectos hasta xunu, lo que supon un 6,6% más que nel mesmu periodu del añu pasáu.
Los datos del primer semestre confirmen l’enclín a l’alza nel apueste de los y les asturianes pol tresporte públicu y la movilidá sostenible y señalen a la tarxeta Conecta, el billete únicu asturianu como un factor decisivu para afitar esa dinámica. Ocho de cada diez trayectos realizaos validárense col títulu de CTA que dexa movese por toa Asturies por un máximu de 30 euros al mes.
Al detenese nos datos esclusivos de xunu repárase que los rexistros caltiénense percima de la barrera de los 5 millones de viaxeros, que se sostien dende va unos meses nes estadístiques de CTA. Realizáronse un total de 5.332.310 viaxes, lo que representa un 10% más d’actividá que nel mvalidárense mes de 2025.
Coincidiendo cola temporada de branu y l’alta arribación turística’l consorciu punxo en marcha esti mes de xunetu’l so dispositivu especial de danzaderes de branu con 36 itinerarios que lleguen a 30 conceyos para facilitar l’accesu a sableres, espacios naturales protexíos y enclaves turísticos con alta arribación. Amás, la operativa regular del CTA refuérzase para atender la mayor demanda esistente en ciertos corredores. Tamién s’operen los correspondientes servicios especiales para llegar a fiestes populares, eventos, aeropuertu y alta velocidá. Tolos servicios del dispositivu veraniegu tán incluyíos en Conecta.
