La vienta de motos dispárase n’Asturies al amontase casi un 38% en mediu añu.
El parque de motos de la rexón algama cifres históriques. Nel primer semestre vendierense na nuesa comunidá más de 2.000 motos, un 37,5% más que nel primer semestre del añu pasáu, según los datos de la patronal Anesdor.
Superamos a España en más de 13 puntos. L’enclín sigue, y colos datos de xunetu entá non zarraos, yá se sabe que l’aumentu de les vientes va degolar el 50%. La moto trunfa sobremanera en redolaes urbanes señala Mónica Alfageme, responsable de vientes de Yamaha. Amás inflúi’l cambéu climáticu.
Según l’asociación d’entidaes aseguradores, Unespa, n’una década Asturies superó los 68.000 vehículos de dos ruedes, lo que supon un 38% más. Para los usuarios tou son ventayes frente al turismu tradicional.
Por tipoloxía, lo más vendío son motocicletes, pero’l mayor aumentu diose en ciclomotores que recuperen terrén ente’l públicu nuevu. La so vienta creció un 65%.
