Publicado en Sin categoría

Estáu del tiempu: xueves 15 d’ochobre

  • Alborecemos col cielu poco nuboso o escampláu ya con unes temperatures que tan alrodiu de los 16ºC, rexistrándose nel puirtu Payares 16ºC.
  • Güei vamos una mañana seliquina con poque nubes y temperatures suaves, yá pela tarde dirá n’aumentu de norte a sur la nubosidá baxa que mos dexará’l cielu tapecíu al finar el día cola posibilidá de dalgo d’orpín nes zones favoretibles con unes temperatures que descenderán dalgo, sobre too en zones del interior.

  • Mañana vienres entovía veremos dellos claros o abancios nel cielu nes hores centrales del día pero con predominiu de les nubes, en principiu nun s’esperen precipitaciones y les temperatures aniciarán un descensu cola llegada del vientu nordés.
  • El sábadu vamos tener un día pasáu per agua con precipitaciones ente febles ya moderaes durante tol día, amás les temperatures descenderán bultablemente y l’aire nordés podrá soplar cafiante nes zones espuestes. La nieve pela tarde pue surdir perriba de los 2000m de forma puntual.
  • El domingu paez que puen abrise dellos claros o abancios pela mañana pero entovía tendremos dalgún xarabatu que sedrá de nieve perriba de los 1800m con unes temperatures que siguen baxando.

 

Autor:

Maestra de Llingua Asturiana Colexu Carmen Ruiz-Tilve - Uviéu