Oficina de Normalización Llingüística de Xixón
¡Tamos d’aniversariu! 
XORNAES DE TOPONIMIA En 2026 cúmplense 20 años dende l’aprobación del Decretu 105/2006 de 20 de setiembre que determinó los nomes oficiales del conceyu de Xixón. Dos décades recuperando’l mapa de la nuestra identidá y la memoria viva de la nuestra tierra.
Pa celebralo, esti mes entamamos les XORNAES DE TOPONIMIA: son abiertes y tán pensaes pa descubrir la historia real tres de los nomes de los nuestros barrios, parroquies, llugares y cais y pa recordar la importancia d’usar el nome correutu porque respeta la nuestra historia, la nuestra llingua y la nuestra cultura.Tarxetón
¡Tamos d’aniversariu! XORNAES DE TOPONIMIA En 2026 cúmplense 20 años dende l’aprobación del Decretu 105/2006 de 20 de setiembre que determinó los nomes oficiales del conceyu de Xixón. Dos décades recuperando’l mapa de la nuestra identidá y la memoria viva de la nuestra tierra. Pa celebralo, esti mes entamamos les XORNAES DE TOPONIMIA: son abiertes y tán pensaes pa descubrir la historia real tres de los nomes de los nuestros barrios, parroquies, llugares y cais y pa recordar la importancia d’usar el nome correutu porque respeta la nuestra historia, la nuestra llingua y la nuestra cultura.TarxetónVamos facelo cocinando, caleyando per Xixón, xugando cola toponimia, con teatru, arte, charres y rises pa conocer con rigor y d’un mou prestosu cómo se llamen de verdá los nuestros llugares y por qué’l mapa del nuestru conceyu ye un tesoru cultural vivu.
Piecina teatral «Los más buscaos de Xixón» (Higiénico Papel Teatro) | Martes 22 de setiembre | 19.30 h | Salón d’Actos del CCAI
¿Y si los lletreros de Xixón nun dicen verdá?(Charra de Fernando Argüelles Banksyastur) | Miércoles 23 de setiembre | 18.30 h | Sala de Conferencies del CCAI
¿D’ónde vien el nome de Xixón? (Charra de Ramón d’Andrés) | Miércoles 23 de setiembre | 19.30 h | Sala de Conferencies del CCAI
Venti años de toponimia tradicional en Xixón. (Charra d’Arantza Margolles Beran) | Xueves 24 de setiembre | 19.00 h | CMI El Llano (Foru de Muyeres d’El LLano)
Xixón al platu: venti años de toponimia tradicional. (Cursu de Los Fogones de la UP U.p. Xixón) | Sábadu 26 de setiembre | 10.00 h | CMI El Llano [matrícula dende’l 21 de setiembre]
Descubriendo la toponimia de Xixón (Cursu de la Universidá Popular U.p. Xixón) | Miércoles 7 y 14 d’ochobre | 17 h | CMI El Llano [matrícula dende’l 17 de setiembre]
