El director xeneral d’Aición Cultural y Normalización Llingüística, Antón García, participó nel actu de premiación del IV Certame Internacional de Cuentos Curtios Manfer de La Llera, en Llangréu 
La centenaria Sociedá Recreativa y Cultural La Montera de Sama cellebró’l 26 de xunetu un actu abiertu para apurrir los premios correspondientes a la IV Edición del so Certame Internacional de Cuentos Curtios «Mánfer de la Llera».
L’actu tuvo llugar a les 13:00 hores nel salón central de la see de La Montera. Amás d’apurrir los premios, La Montera presentó’l llibru de los trés primeros años del certame con tolos cuentos ganadores y va intervenir la banda Gaiteros del Carbón».
Amás d’entregase los premios, La Montera va presentar el llibru de los trés primeros años del certame con tolos cuentos ganadores y va intervenir la banda Gaiteros del Carbón.
Los cuentos ganadores d’esti añu fueron Sobre la busca de la perfección llingüística como trestornu de fala, del músicu y escritor Xaime Martínez, na categoría d’adultos n’asturianu, y Manolín el cabreru, de Samuel Tolosa Niembro, na de menores n’asturianu. La participación abondosa y imaxinativa de neños de terceru de primaria llevó al xuráu a proponer un accésit al cuentu Xuanín númberu unu y los arbeyos máxicos de Martín Pérez Guinea.
Na categoría d’adultos en castellán premióse’l cuentu Carolina somos todos del autor d’Alcalá d’Henares Juan Carlos Muñoz. Por segundu añu consecutivu, el premiu al meyor cuentu pa menores en castellán viaxó al otru llau del Atlánticu, concediéndose al autor limeñu Bruce Brad Oskar Silva Conchucos pol cuentu Todo lo que dejamos encendido.
L’actu va zarrase cola interpretación del himnu d’Asturies siguíu d’un pinchéu al que tán convidaos autores y les sos families, xuraos y miembros del comité de llectura previo, la familia de Mánfer de la Llera y autoridaes asistentes.
