Esi valor ye’l que promueve les siguientes llectures nes que’l sofitu y collaboración desinteresada escontra otres persones ye’l motor de la hestoria.
Escoyóse esta fecha n’honor al movimientu social polacu Solidaridá, que foi representáu en 1980 pol gremiu sindical «Solidarność». Esti movimientu foi unu de los tantos responsables de la cayida del muriu de Berlín. Ye más, unu de los sos dirixentes, Lech Walesa, foi consagráu col Premiu Nobel de la Paz gracies a que promovio los ideales de la solidaridá non solo nel so país d’orixe sinón por tol planeta.
Magar esta celebración tien una trayectoria llarga, esiste otra fecha decretada oficialmente pola UNESCO denominada Día Internacional de la Solidaridá Humana, y que se celebra’l 20 d’avientu.
El propósitu d’esti día nun varió enforma desque se fundara’l partíu sindical. En realidá, básase nun principiu básicu que ye’l de l’ayuda mutua o’l ser solidarios colos otros.
Según el mesmu Walesa, solo na midida na que toos ayudemos y trabayemos por una causa común qu’apurra’l mayor bienestar a toos, nesa mesma midida vamos vivir nun mundu muncho más pacíficu, enriquecedor y prósperu para cada nación, pueblu o individuu.
