📢 Empieza n’Avilés la Bienal Climática, 100 díes d’actividaes culturales sobro arte y territoriu. 🗣️ El ministru de @culturagob, Ernest Urtasun, inauguró esta edición, que va abrir les sos puertes dende mañana hasta’l 20 de setiembre, sol títulu ‘Ensayar lo inesperao’.
La Bienal Climática: Arte, Industria y Territoriu entamó esti xueves la so andadura n’Avilés, una ciudá marcada pola industria que conoz bien la palabra tresformamientu y que supo reinventase ensin arrenunciar a la so identidá, según señaló’l ministru de Cultura, Ernest Urtasun, na so inauguración.
Van ser cien díes de programación cultural sobre arte, industria y patrimoniu n’Avilés y la so redolada nos que, hasta’l 20 de setiembre, van vese arreyaos más de 40 artistes y van esplegase más de 60 actividaes y trelce espacios espositivos sobre la necesidá de curiar el clima del planeta dende una perspectiva cultural.
Avilés foi capaz de mirar al futuru ensin escaecer d’ónde vien, dixo’l ministru, pa quien la transición ecolóxica nun consiste en llevantar un futuru sobre les ruines del pasáu, “consiste n’aprovechar lo meyor de la hestoria pa construyir daqué nuevo ensin dexar a naide atrás”.
Urtasun sorrayó que’l planeta vive una dómina de cambeos fondos y que ye necesario tresformar la manera de producir enerxía, d’habitar les ciudaes o de que les persones se rellacionen cola so redolada.
“Sabemos que la emerxencia climática esixe respuestes ambicioses y urxentes, pero, dacuando, escaecemos daqué fundamental, y ye que nengún tresformamientu social importante sostiénse namás sobre infraestructures, inversiones o innovaciones tecnolóxiques, también necesita espacios onde preguntar qué sociedá queremos ser”, declaró’l ministru.
«Fósiles en movimientu» o La Nube móvil» son obres espuestes na Bienal Climática, qu’arrinca güei n’Avilés hasta mediaos de setiembre.
Aemet collaboró con residencies d’artistes n’una enriquecedora esperiencia que se traduz en cinco obres y un documental.
