El conceyu suma 851 vecinos nel primer semestre y avérase al oxetivu de los 230.000 residentes, impulsáu principalmente pola crecedera de la población estranxera. LNE
Uviéu sigue batiendo los sos propios rexistros demográficos. El conceyu algamó’l 1 de xunetu los 228.119 habitantes, la cifra más alta de la so hestoria, dempués de sumar 345 vecinos n’apenes trés meses. El padrón municipal cerró abril con 227.774 residentes y xineru con 227.268, polo que la medría acumulada na primer metá del añu xube yá a 851 persones.
La capital avérase d’esta miente al oxetivu de 230.000 habitantes que l’alcalde, Alfredo Canteli, marcóse para l’actual mandatu, que remata en mayu de 2027. «L’oxetivu ye enllenar Uviéu de xente, siguir xenerando oportunidaes y atraer inversiones. Somos una ciudá que ta creciendo enforma y un exemplu ye l’antigua galería comercial del Calatrava», detalla l’alcalde en funciones, Mario Arias, énte l’ausencia veraniega del titular.
