Una aplicación va dexar informar de la presencia de flora invasora n’Asturies./ESPECIES / MAPA /https://florainvas.es
FloraInvAS inclúi primeramente 18 especies, ente elles l’ailanto, l’azolla, la planta de les camparines, la uña de gatu, la fallopia, la tradescantia y la yerba de la Pampa. Actualidá
La plataforma FloraInvAS va dexar ameyorar control de les especies de flora exótica invasora presentes n’Asturies arrexuntando información sobro la so localización y distribución cola collaboración de la ciudadanía que va poder comunicar la so presencia al traviés d’una páxina web o una aplicación pa dispositivos Android y iOS, indicando’l so allugamientu y axuntando fotografíes.
La plataforma, impulsada pola Conseyería de Mediu Rural y Política Agraria col sofitu de la empresa pública Serpa, va ufiertar información sobro les especies y va dexar disponer d’un repositorio actualizáu sobro la so presencia y distribución pa planiar actuaciones de control o erradicación, amás d’incorporar módulos específicos pa coordinar les intervenciones.
FloraInvAS inclúi primeramente 18 especies, ente elles l’ailanto, l’azolla, la planta de les camparines, la uña de gatu, la fallopia, la tradescantia y la yerba de la Pampa, y ta previstu que futures actualizaciones incorporen sistemes d’intelixencia artificial pa facilitar la so identificación, ente qu’anguaño podrá recurrise a persones espertes pa confirmar los casos dudosos
Nel casu de la yerba de la Pampa, la plataforma busca especialmente detectar exemplares aisllaos o pequenos focos en zones onde la especie inda nun ta llargamente enllantada pa facilitar una intervención temprana polo qu’establez xuna zona d’esclusión en bona parte del norte y centru d’Asturies onde nun s’almitirán nueves notificaciones al tratase d’árees con presencia llargamente documentada.
Según señalaron mientres la presentación de la iniciativa’l director xeneral de Planificación Agraria, Marcos da Rocha, y el responsable del Centru d’Alerta y Control de Plagues y Especies Invasores, Eloy Álvarez, FloraInvAS va dexar reforzar la participación ciudadana y ameyorar la información disponible sobro la distribución de la flora invasora y va facilitar una respuesta más rápida énte los focos que rican actuaciones de control o erradicación, informa Efe.
