Consumimos cada vegada menos quesu español y más de fuera.
La industria quesera española ta en peligru. Ye lo que diz l’últimu informe de la ‘Federación de Industrias Lácteas’. Los consumidores compren cada vegada menos quesu de cabra y d’oveya, y prefieren otres tribes más suaves y importaes.
El mercáu camudaa y el quesu tradicional español, el de cabra y el d’oveya, ta perdiendo pesu, polos cambeos nos vezos de consumu o’l so altu preciu. Pero ye una situación contraria a la que vive’l restu del sector, porque’l consumu xeneral de quesu medra.
En 2025, les importaciones de quesu medraron más d’un 6% al respective de 2024, superando les 430.000 tonelaes. Son productos, munches vegaes más baratos, colos que ye difícil competir, sobre manera colos que vienen de Países Baxos, onde’l preciu de la lleche de cabra, la materia prima, ye un 30% inferior al de la española.
Al amenorgar la demanda de quesu español de cabra y oveya, mengua tamién la producción de lleche, qu’afecta de manera directa al sector ganaderu. La solución pasa por adaptase a los cambeos nel mercáu, n’invertir en tecnoloxía y incentivar el consumu de productos nacionales, revalorizando’l quesu de producción española.
