Héctor Braga

Hector Braga: «El museu la minería en L’Entregu tien unes colecciones y un material abundante».

Hector Braga, nacíu en La Felguera, ye un cantautor y multiinstrumentalista, conocíu como’l «músicu total d’Asturies» porque fixo xires per mediu mundu cantando cantares tradicionales al pie de media docena de preseos. Ye un artista fondamente independiente, ceador infatigable, viaxeru convencíu, instrumentista virtuosu y soñador de cantares con vida propia y que hoy responde al nuesu cuestionariu.

Un llugar pa perdese una fin de selmana: Muniellos ye una pasada. Un sitiu máxicu ónde dexes la mente esnalar.

Un llugar pa vivir: Yo téngolo claro, los Picos d’Europa.

Un platu: Tayaes de fégadu encebolláu.

Un postre: Los borrachinos nun tienen rival, magar que nun soi muncho de dulzaina.

Una playa pa pasar el día: La Huelga, en Llanes. Fuí dende neñu colos güelos llaniscos y ye la «antiplaya» de Llanes. Hai tranquilidá.

Un pueblín que nun podemos dexar de ver: Bulnes de CabralesPero meyor evita el branuhai munchu españorco (rises).

Un chigre pa tomar unos culinos: Dos: La Ballera (Villaviciosa) y Sidrería Nava (Xixón).

Un parque natural pa visitar: Fuentes del Narcea ye una pasada. Nun hai duldes.

Una fiesta a la que nun faltar: Munches, pero enxamás falto a la Salud de Cabrales y el mercáu de Porrúa.

Un muséu pa recomendar: Pa mí que ñací na cuenca’l Nalón, el de la minería en L’Entregu. Tienen unes colecciones y un material ablucante.

Un momentu de la hestoria d’Asturies que te prestaría vivir: La declaración de Guerra escontra Napoléon, el 25 de mayu 1808Qué tiempos aquellos. Agora nun declaramos ni la oficialidá.

Un baille pa pasalo bien: La xota ye’l baille más democráticuDepréndese apriesa y pues falar mentantu bailles. Ideal.

Una pallabra n’asturianu que te preste: ¿Namás una? Biltar.

Una tradición que nun pue perdese: L’asturianada, qué voi dicir yo.

Una espresión n’asturianu que te preste: Dos:

-Dios y el cuchu pueden muchu, pero más el cuchuReza.

-Nun cenes, verás al otru día que fame tienes.