El FICX entama les sos proyecciones con 35 producciones asturianes y estrenos de tol mundu. VIDEU / X/ https://ficx.tv/ano/2026/
Los escolinos de Bachilleratu Artísticu del IES de la Llaboral vieron un documental que s’adapta al so temariu, yá que pescuda la propiedá intelectual na dómina dixital.El FICX amuesa películes de 37 países y tien munchos estrenos. Un total de 147 proyéctense per primer vegada n’España en Xixón y 46 son premieres mundiales.
Díes de munchu esfuerzu pa los cinéfilos qu’intenten ver el mayor númberu de cintes.
35 producciones son asturianes. Dende’l documental sobre la emblemática banda de folk asturianu ‘Felpeyu’, que cunta cola participación de RTPA a otru trabayu que recuerda la memoria de la factoría Vauste en Xixón.
Cine que conxuga sensibilidaes y enllena les butaques con propuestes más allá de lo convencional.
Una edición más, Radiotelevisión del Principáu d’Asturies (RTPA) dedica al Festival Internacional de Cine de Xixón (FICX) una cobertura especial en televisión, radio y medios dixitales. Amás, la radiotelevisión asturiana ta presente nel certame al traviés de los Premios RTPA y de la programación de tres producciones participaes na convocatoria de financiación antemanada.
La programación especial inclúi’l siguimientu diariu de l’actualidá del 64 FICX nos servicios informativos y en Conexón Asturies, amás d’una programación especial de RPA dende’l festival, con emisiones de La radio es mía, La buena tarde y Directu Asturies. Amás, l’espaciu audiovisual Pieces 64 FICX va ufiertar, agrupaes en tres bloques temáticos, pieces dedicaes al cine asturianu y a les principales secciones del fes
En Pieces 64 FICX, el bloque Cine asturianu va incluyir conteníos sobre los cineastes Alicia Moncholí, Pablo Casanueva, Álex Galán y David Rodríguez Muñoz, amás d’un percorríu per Asturies Curtiumetraxes de la mano de la programadora Sara González. El bloque Programa de mano, va guiar a l’audiencia peles secciones oficiales Retueyos y Albar, con Tito Rodríguez y Alejandro Díaz Castaño, xefe de programación y director del FICX, como encargaos de presentar les películes y dalgunes de les sos claves. La propuesta complétase coles Mini-Pieces, dedicaes a les secciones FICX Premier, Enfants Terribles, Pases Especiales, Esbilla y Focos.
Amás, el compromisu de RTPA col audiovisual asturianu refléxase nel patrociniu del Premiu RTPA al Meyor Llargumetraxe Asturianu y el Premiu RTPA al Meyor Curtiumetraxe, reconocencies que contribuyen a dar visibilidá a la creación asturiana.
Un sofitu que tamién se materializa cola presencia nel FICX de tres producciones que cuntaron cola participación de RTPA al traviés de la so convocatoria de financiación antemanada.
Na sección Pases Especiales van poder vese ‘Felpeyu: faciendo historia a traés de la música’, de Pablo Campillo, un documental sobre la trayectoria del grupu de folk asturianu y la so contribución al patrimoniu inmaterial asturianu; y ‘Ruta Norte’, de Raúl García Cuesta, un percorríu pela cultura de la música electrónica y la vida nocherniega asturiana de los años noventa, que conecta la memoria industrial d’Asturies coles nueves xeneraciones. Pela so parte, ‘Dos hermanos’, de Fernando Lorenzana, una obra sobre’l duelu y los venceyos familiares, participa na competición Asturies Curtiumetraxes.

