Publicado en Aniversariu

1513: Núñez de Balboa columbra l’océanu Pacíficu

El 25 de setiembre de 1513, Vasco Núñez de Balboa llegó a unu cume del istmu de Panamá dende la qu’acolumbró l’océanu Pacíficu, al que denominó Mar del Sur. La fecha ye considerada una de les efemérides centrales de la espansión europea n’América. Balboa aportara al continente como integrante de les espediciones españoles qu’esquizaron el Caribe y l’istmu centroamericanu. En 1511 asumió’l control de Santa María l’Antigua del Darién, asentamientu allugáu na actual Panamá, y llogró información indíxena sobro un gran mar asitiáu al oeste.

La espedición travesó selves, ríos y montes. El percorríu tuvo marcáu por enfrentamientos, aliances forzaes y la participación de pueblos orixinarios que conocíen el territoriu y facilitaron la meyora de los europeos. Balboa llegó a la mariña del nuevu océanu pocos díes dempués de reparalo dende’l cordal.

El descubrimientu dexó a la Corona española ampliar la so conocencia xeográfica y proxectar nueves rutes escontra les mariñes occidentales d’América. Tamién abrió’l camín pa espediciones posteriores, ente elles la de Fernando de Magallanes, quien llamó Pacíficu al océanu mientres la so circunnavegación del planeta.

La conquista produció tresformamientos fondos pa les sociedaes indíxenes, incluyendo guerres, esplotación llaboral, imposición relixosa y epidemies. Balboa foi executáu en 1519 por orde de Pedro Arias Dávila, gobernador de Castiella del Oru, primero que pudiera dirixir nueves espediciones escontra’l Pacíficu.

Autor:

Maestra de Llingua Asturiana Colexu Carmen Ruiz-Tilve - Uviéu