La selección asturiana de fútbol sala proclámase campeona d’España con una goliada. Un total de 13 selecciones llucharon pola convocatoria de la competición, nun ambiente de deporte y diversión. LNE /
La selección de fútbol sala d’Asturies robló la victoria final nos Campeonatos d’España de Selecciones Autonómiques Sub10 celebraos en Sanxenxo, en imponiéndose na final a la selección de la Comunidá de Madrid por 5-0. Un total de 13 selecciones llucharon pola convocatoria de la competición, nun ambiente de deporte y diversión.
Asturies tomó la iniciativa bien rápido col xuegu rápidu que demostró mientres tol campeonatu para llegar al descansu con un contundente 4-0 que sentenciaba la final antes de lo previsto.
Yago Vega, Mateo Fano por partida doble y Javier Torío roblaben los tantos y poníen a Asturies mui cerca de conquistar el troféu. Na segunda metá, Madrid llograba atopar el bon xuegu qu’esplegara mientres la selmana en Sanxenxo, pero sería finalmente Gabriel Fontenla, del equipu ástur, quien asitiaría’l 5-0 definitivu nel lumninoso del Pabellón Municipal Baltar.
