Publicado en Sin categoría

La ciencia llogra editar xenéticamente una castañal europea

La ciencia llogra editar xenéticamente per primer vegada una castañal europea. Un equipu del CSIC modifica un xen qu’usen los patóxenos pa infestar al árbol coles mires d’aumentar la so tolerancia a la enfermedá de la tinta.

La castañal lleva años lluchando escontra enfermedaes qu’abrasaron les sos poblaciones. Agora, la investigación busca cambiar les regles del xuegu dende’l mesmu árbol.

Per primer vegada, un equipu científicu consiguió editar xenéticamente una castañal europea. El trabayu, lideráu dende la Misión Biolóxica de Galicia del CSIC, usa una técnica mui precisa pa modificar ún de los llamaos xenes de susceptibilidá.

Son xenes que cumplen funciones normales, pero que dellos patóxenos aprovechen como vía d’entrada. Nesti casu, l’oxetivu ye la principal causante de la enfermedá de la tinta asegura Elena Corredoira, científica titular na Misión Biolóxica de Galicia nel CSIC.

Y el primer resultáu abre una vía d’investigación inédita nesta especie.

Pero inda queda camín. Los investigadores tán treslladando agora les plantes del llaboratoriu a tierra pa comprobar si los resultaos llograos in vitro caltiénense y fáense nuevos ensayos de tolerancia.

L’oxetivu final sedría llograr una castañal más resistente ensin incorporar xenes d’otres especies. Un horizonte inda alloñáu y que va riquir nueves validaciones y autorizaciones.

Autor:

Maestra de Llingua Asturiana Colexu Carmen Ruiz-Tilve - Uviéu