✈️ Un caza alemán balta, frente a les mariñes de Marsella, l’avión de reconocencia pilotada por Antoine de Saint-Exupéry. L’escritor y aviador francés tenía 44 años y aportunara en volver volar magar mancadures acumulaes n’accidentes previos, que yá-y torgaben llevantar los brazos percima de la cabeza ensin ayuda. Autor de “El Principito”, publicáu un añu antes en Nueva York, Saint-Exupéry combinó siempres la lliteratura cola aviación: foi pilotu de corréu aéreu en Suramérica mientres los años venti, esperiencia qu’entornó en delles de les sos noveles.
Los restos del so avión, un Lockheed P-38, alcontráronse recién nel añu 2000, frente a la isla de Riou. La identificación definitiva llegó en 2004, sesenta años dempués de la so desapaición.
