Publicado en Documentales, RTPA

Ángeles Caso vuelve a la TV esti martes, con ‘Asturies, el pasáu que somos’

Ángeles Caso vuelve a la televisión con ‘Asturies, el pasáu que somos’.

Cinco capítulos amosarán yacimientos, paisaxes y atopamientos arqueolóxicos centrándose en toles persones que vivíen equí va miles d’años.

Ángeles Caso vuelve a la pequeña pantalla dempués de 40 años y failo na nuestra casa, en TPA, con una serie documental que llevaba tiempu na so cabeza.

‘Asturies, el pasáu que somos’ percorrerá’l Principáu p’amosanos yacimientos, paisaxes y atopamientos arqueolóxicos centrándose en toles persones que vivíen equí va miles d’años.

Sedrán cinco capítulos con una difícil producción. Foi un añu de trabayu per decenes de llugares distintos, pero usando’l muséu arqueolóxicu d’Asturies como puntu d’alcuentru común ente elles señala Álex Galán, realizador de ‘Asturies, el pasáu que somos’.

Los sos creadores reivindiquen qu’estos programes tamién salgan d’una televisión autonómica como la nuestra y non solo de grandes cadenes como la BBC. El martes que vien estrenaráse a les 22:30 el primer capítulu.

Autor:

Maestra de Llingua Asturiana Colexu Carmen Ruiz-Tilve - Uviéu