Para National Geographic el pueblu más guapu del mes de xunetu queda n’Asturies. La publicación propón cinco destinos asturianos, de mariña y d’interior, que son un escaparate al Paraísu Natural. El Comercio
La llista de nomaos combina l’encantu de la mariña col patrimoniu del interior. Quiciabes dalgún espera dellos nomes, pero siempres hai sorpreses y rincones por afayar. Falamos de Celoriu, Llastres, San Esteban de Cuñaba (Peñamellera Baxa), Novellana (Cuideiru) y Bandujo (en Proaza).
Col branu yá en marcha, la prestixosa revista de viaxes National Geographic volvió poner los sos güeyos nel Principáu para escoyer el pueblu más guapu del mes de xunetu: da igual que sía de sablera o que se tire para’l monte. La publicación destacó cinco llugares d’Asturies, que van d’oriente a occidente.
Para un bon asturianu nengunu d’estos nomes ye un secretu. Nel casu de la revista, destaca de Novellana la so redolada costera virxe, la so arquitectura indiana y la so rica hestoria xacobea; de Llastres la estampa marinera d’unes edificaciones en cascada sobro la mar, y de San Esteban de Cuñaba, el so paisaxe de gran riqueza vexetal, les sos rutes de senderismo y la so atmósfera d’aislamientu y paz. Nel casu de Celoriu les sos sableres, con agües cristalines, un espectáculu natural ente’l Cantábricu y la Sierra del Cuera, y falando de Bandujo, nel valle central, atopamos l’encantu medieval, una de les xoyes rurales meyor calteníes.
San Esteban de Cuñaba
