Publicado en Día de..., Traducciones

Día Internacional de la Traducción

«Los escritores faen les lliteratures nacionales,
los traductores faen la lliteratura universal». José Saramago.

L’Asamblea Xeneral de les Naciones Xuníes estableció la fecha por aciu el resolvimientu 71/288, aprobada’l 24 de mayu de 2017. La conmemoración coincide cola festividá de San Jerónimo, traductor de la Biblia y patronu de los traductores. La xornada reconoz el trabayu de traductores, intérpretes, terminólogos, redactores y otros profesionales del llinguaxe. #DíaInternacionalDeLaTraducción

Nun mundu cada vez más interconectáu y multicultural, la traducción convirtióse n’unu oficiu vital para’l desenvolvimientu social. El papel de los traductores ye primordial nel aprendizaxe de neñes, neños, adolescentes y nuevos. El so llabor dexa treslladar testos xurídicos, científicos, lliterarios, técnicos y diplomáticos ente llingües con precisión conceptual.

Reconocemos el llabor de quien faen posible que les hestories y la conocencia lleguen más llueñe. Traducir nun ye solo camudar d’idioma, ye averar cultures y tender pontes ente persones, idees y conocencies.

La elección del 30 de setiembre tien un antecedente relixosu y hestóricu. Jerónimo morrió abargana de Belén el 30 de setiembre del añu 420, dempués de traducir al llatín gran parte de la Biblia a partir de manuscritos griegos y hebreos. El resolvimientu 71/288 afitó’l 30 de setiembre como fecha oficial pa reconocer la función de los profesionales del llinguaxe dientro del sistema de les Naciones Xuníes y na comunicación internacional.

Autor:

Maestra de Llingua Asturiana Colexu Carmen Ruiz-Tilve - Uviéu