Publicado en Turismu

Asturies va liderar la promoción turística de la «España Verde»

La Voz / Asturies va liderar en México la promoción turística de la «España Verde»

Gimena Llamedo va participar en Monterrey nel alcuentru «Norte Diem». La vicepresidenta del Principáu y conseyera de Presidencia, Retu Demográficu, Igualdá y Turismu, Gimena Llamedo, va viaxar a México la próxima selmana, del 16 al 19 de payares, pa liderar la promoción turística de la España Verde, la marca qu’agrupa al Principáu, Galicia, Cantabria y Euskadi.

Llamedo va representar a les cuatro comunidaes nel alcuentru ‘Norte Diem’, que se va celebrar el 19 de payares en Monterrey, nel marcu de la presidencia y coordinación d’esti organismu que’l Principáu exerz mientres anguaño. L’actu va axuntar a profesionales del sector, axencies de viaxes, turoperadores, medios de comunicación y prescriptores del país.

Según informó l’Executivu asturianu, l’oxetivu ye «reforzar l’allugamientu del norte d’España nesti mercáu y dar a conocer una ufierta turística conxunta basada na naturaleza, la gastronomía, la cultura, el patrimoniu y les esperiencies vinculaes a la identidá de los territorios». L’axenda institucional de la vicepresidenta va incluyir tamién una visita al Centru Asturianu de México, el 16 de payares na capital del país, onde va caltener una xunta cola xunta directiva, informa Efe.

Autor:

Maestra de Llingua Asturiana Colexu Carmen Ruiz-Tilve - Uviéu