El Festival Interceltico de Avilés y Comarca celebra esti añu la so XXIX y yá hai novedaes rellacionaes cola cita. Instagram La Pista de la Exposición va volver acoyer esti eventu, que va celebrase del 20 al 26 de xunetu 
Les primeres confirmaciones son la mítica cantadora d’asturianada Mariluz Cristóbal Caunedo; la banda folk de recién creación Cuévano; el Grupu Folclóricu Prau Llerón de Mieres; y los organizadores del certame: la Banda Gaites y el Grupu Baille ESBARDU 
A ellos súmense otros nomes internacionales. Musicasturiana.com
El Festival Intercélticu d’Avilés y Comarca celebra esti añu la so ventinueve edición y yá hai novedaes rellacionaes cola cita. La Pista de la Exposición va volver acoyer esti eventu, que va celebrase del 20 al 26 de xunetu. A falta de conocer tola programación, la organización yá tien publicada na so páxina web un primer avance qu’axunta folk, asturianada y agrupaciones tradicionales de dientro y fuera d’Asturies. #Avilés #FestivalIntercéltico #CulturaCelta #AvilésComarca
Les primeres confirmaciones son la mítica cantadora d’asturianada Mariluz Cristóbal Caunedo; la banda folk de recién creación Cuévano; el Grupu Folclóricu Prau Llerón de Mieres; y los organizadores del certame: la Banda Gaites Esbardu y el Grupu de Baille Esbardu. A ellos súmense estos nomes internacionales: The Crass – Folk Internacional (Galicia), The Barrhead & District P.B (Escocia), Sonerien An Oriant (Bretaña), B.G. de Xinzo de Limia (Galicia), Bugale An Oriant (Bretaña). Esti avance de programación complétenlo les escueles de baille y deportives avilesines Academia de Danza Step y Club Gimnasia Rítmica Valoe.
Entá nun se conoz distribución de les actuaciones por díes nin más programación pero, como ye vezu, el FIA axuntará esposiciones, mercáu celta, talleres, atracciones pa la reciella, pasucais, recreación histórica, gastronomía, llucha celta, baille, desfiles y más actuaciones d’agrupaciones qu’aporten dende dellos países celtes. Too ello pa dar forma a un eventu que lleva dende 1997 puxando polos sones del Arcu Atlánticu nesti conceyu y la so redolada y que ta declaráu como Fiesta d’Interés Turísticu.
