- Alborecemos col cielu nuboso ya con unes temperatures que tan alrodiu de los 10ºC, rexistrándose nel puirtu Payares 0,7ºC.
- Güei dirá n’aumentu la nubosidá ya tendremos precipitaciones a partir del mediudía cuando role l’aire a componente noroeste que sedrán frecuentes ya persistentes en zones de montaña onde pue nevar con fuercia perriba de los 900-1000m. Les temperatures en descensu y l’aire tenderá amenorgar a lu llargu’l día.
- Mañana sábadu van remitir les lluvies pero va caltenese’l cielu con intervalos nubosos entemecios ente dellos claros o abancios con unes temperatures mínimes en descensu y sin grandes camudos les másimes que mos dexarán un ambiente fríu en xeneral. L’aier sedrá sele ya variable.
- El domingu torna’l vientu ábrigu y subirán les temperatures al mediudía dempués d’una alborada fría, el cielu va seguir con intervalos nubosos entemecios ente dellos claros o abancios.
- La prósima selmana la llegada de varios frentes atlánticos mos dexará precipitaciones y subidas y baxaes de les temperatures con temporales de vientu y mar cola posibilidá de cara al vienres que se forme una bomboxénesis esplosiva nel noroeste penínsular que según la trayeutoria que tome podría dexanos un fuerte temporal de vientu pero esto yá lu diremos viendo.
