🐑El 5 de xunetu de 1996 nació nel Institutu Roslin, cercanu a Edimburgo, la oveya Dolly, el primer mamíferu clonáu a partir d’una célula adulta de la hestoria. L’equipu empobináu polos científicos Ian Wilmut y Keith Campbell utilizó una célula de la glándula mamaria d’una oveya de raza Finn Dorset, que’l so núcleu foi tresferíu a un óvulu primeramente enucleado d’otra oveya.
El procedimientu demandó doscientos setenta y siete intentos de fusión celular, de los cualos solo un embaranzu llegó a términu. La nacencia nun se fixo públicu hasta febreru de 1997, cuando s’espublizaron les resultancies científiques. *Dolly vivió seis años y la so esistencia abrió un intensu alderique éticu y científicu sobro los algames y les llendes de la clonación en mamíferos, incluyida la especie humana.
–
