Publicado en Aniversariu, Salú

1928: Fleming descubre la penicilina

El 28 de setiembre de 1928, Alexander Fleming reparó qu’un moho torgara’l desenvolvimientu de bacteries n’unu de los sos cultivos del Hospital St. Mary, en Londres. L’afayu producióse mientres esaminaba colonies de Staphylococcus aureus y detectó una zona ensin crecedera alredor del hongu. Fleming identificó la sustanza como penicilina y publicó les sos resultancies en 1929. La penicilina inauguró la era de los antibióticos modernos

El so trabayu nun produció de momentu una melecina disponible para usu masivu. El tresformamientu del afayu nun tratamientu aplicable riquió investigaciones posteriores sobro la purificación, la estabilidá y la producción industrial del compuestu.

Mientres la Segunda Guerra Mundial, un equipu integráu por Howard Florey, Ernst Boris Chain y numberosos collaboradores desenvolvió métodos pa fabricar penicilina en grandes cantidaes. Esi procesu dexó utilizala contra infecciones bacterianes graves y modificó la práctica médica, especialmente n’hospitales militares y civiles.

La penicilina inauguró la era de los antibióticos modernos. El so empléu amenorgó la mortalidá acomuñada con neumoníes, septicemies, infecciones quirúrxiques y mancaes de guerra. El 28 de setiembre identifica la observación inicial de Fleming, non la fecha d’apaición del primer tratamientu industrializáu.

Autor:

Maestra de Llingua Asturiana Colexu Carmen Ruiz-Tilve - Uviéu