Esperamos cielos pocu nublos o estenos en prácticamente tol Principáu d’Asturies. Lo más destacao del día va ser, ensin dala dulda, l’ascensu de les temperatures. Prevese una xubida de les máximes d’hasta 5 ºC más que’l domingu. Poro, en gran parte del interior van llegar a algamase los 31 o 32 ºC, inclusive hasta los 34 ºC nel suroccidente. Na mariña l’ascensu va ser más moderáu, al tar influyíu dichu sector por presencia de vientos de componente este.
