Esperamos, una vegada más, amanecer con cielos nublos na metá norte asturiana. El sol va rellumar dende primer hora nel cordal y otres zones del sur del Principáu. Conforme avancen les hores dirán abriéndose grandes claros, siendo la mariña l’últimu sector nel que van sumir les nubes. Asina tou, va aumentar la nubosidá d’evolución dende’l cordal que se va estender en dirección norte y va dexar bastios tormentosos non solo en zones montascoses sinón tamién n’otros puntos del interior asturianu. Les temperatures van ser similares a les del miércoles.
Estos bastios van ser más probables nel cordal y nel suroccidente onde se va activar l’avisu mariellu. Pero nun se refuga que puedan afectar a otros puntos. Les temperatures van ser similares a les del martes.
Pocos cambeos para’l vienres y el sábadu y, a partir del domingu, va llegar el calor a Asturies.
