Avilés recibe a les y los más de 150 autores del Festival Celsius 232.
El festival celebraráse hasta’l sábadu nel cascu históricu de la ciudá con 200 actividaes. Avilés recibe esti martes «con muncha ilusión» a les y los más de 150 autores del XV Festival de Terror, Fantasía y Ciencia Ficción d’Avilés Celsius 232, según señaló a EFE’l director del eventu, Jorge Iván Arguiz, que destacó la importancia pal públicu de poder conocer a les y los sos escritores favoritos.
Según dixo Arguiz, col arranque del certame’l públicu entama a esfrutar de les y los autores internacionales que van a Avilés y enllénense les sales colos alcuentros cola lliteratura.
Joe Abercrombie, Joe Hill, Ted Chiang, Paolo Bacigalupi, Jo Walton, Juliet Marillier, Samantha Sannon, Alix E. Harrow y Becky Chambers, tán ente los convidaos y convidaes principales a la decimoquinta edición del Celcius.
Un cartelu internacional qu’inxerta tamién a esponentes del nuevu góticu llatinoamericanu lideráu por muyeres como Elaine Vilar Madruga, María Fernanda Ampuero, Verena Cavalcante y Gabriela Damién Miravete.
