Mary Wollstonecraft Godwin nació en Londres el 30 d’agostu de 1797. Foi una escritora, dramaturga, ensayista y biógrafa británica conocida principalmente por ser l’autora de la novela gótica Frankenstein o’l modernu Prometeo (1818), considerada la primer novela de ciencia ficción moderna y que llogra inaugurar el xéneru. Con esta obra consolidóse como una de les autores más importantes de la narrativa gótica.
Escribió Frankenstein o’l modernu Prometeo a los diecinueve años mientres el branu de 1816 en Villa Diodati, Suiza. La novela estructuró les premises de la ciencia ficción contemporanea al traviés del alderique éticu sobro la galvanización, la reanimación de texíu biolóxico y les llendes de la intervención científica humana. Publicó la obra anónimamente en 1818 antes d’incorporar la so firma na edición francesa de 1821.
