“SuperLlingua”

Canal SuperLlingua

De Asociación Reciella. Families pol Asturianu

Güie propon Ximielgar el cuerpu, nesti videu

Música y expresión col cuerpu. Con esti vidiu proponse una sesión d’exercicios prestosa.

Dalgunes actividaes paraleles que tamién se pueden facer son: * Alderique ¿Cuálos son los superpoderes que tengo/tenemos? (cualidaes, capacidaes…). Reflexonamos so les coses que nos prestaría facer
y/o conseguir pa sentinos bien, con qué recursos cuntamos y cualos necesitamos (proyectu personal). Colos retos que nos pongamos y en función a la edá podemos facer debuxos, escribir un diariu, marcanos metes nel calendariu…

* Sesión de exercicios de mazcaritos: facemos un disfraz según el superpoder que camentamos y los recursos que tengamos a disposición. Entamamos una rutina ente toles persones (caúna fai un exerciciu). Podemos grabanos en vidiu. (y si vos peta podéis mandáilu a superllingua)

 * Falar de la importancia que tienen l’alimentación, la hixene y l’exerciciu como mou de combatir enfermedaes. Falar de como nos sentimos, que nos fai falta, que coses naguamos, pruyimos… El lutu y la falta de contactu coles persones que queremos ye dalgo qu’afecta fondamente nel desarrolu emocional a edaes tempranes.

 Esti proyectu ta fechu pol profesoráu del CP Salvador Vega Berros de Sariegu en collaboración cola asociación Reciella, Families pol Asturianu,  n’abril del 2020 al envís d’ufrir a les families dellos recursos prestosos pa trabayar colo pequeño demientres dure’l confinamientu del COVID-19