Mural realizáu para El Pueblu de Rengos, un homenaxe al duru trabayu qu’homes y muyeres del pueblu realizaben en redol a la ganadería, la madera y polo xeneral a aprovechar los recursos que la so redolada ufiertaba. La obra representa un maderista cortando un tueru con un tronzador de la dómina, el valle del pueblu como fondu y una ganadera cola so vaca.
Consideramos que con esta composición, la simbiosis ente persones, animales, recursos naturales y redolada quedaba perfectamente representada. Munches gracies a tol pueblu por una hospitalidá inmeyorable, con una comida y hospitalidá d’otru nivel en Casa Grabelon, y sobremanera, gracies a Luis por cuntar con nós pa esti proyectu tan guapu. Otru trabayu de DOLKY Creación & Producción Gráfica, (Instagram) realizáu mano a mano con Niño.
