Les condiciones meteorolóxiques que tamos teniendo estos díes traen que les temperatures baxen y, con elles, la cota de nieve. Esti llunes, concretamente, van baxar les máximes nel interior occidental y van caltenese ensin cambeos nel restu respecto al llunes. Les mínimes, pela so parte, van baxar nel centru y nel oriente, ente que nun van variar nel oeste. La cota de nieve va caltenese mientres tol día ente los 1500 y los 1600 metros d’altor. En cuanto al estáu de los cielos, vamos amanecer con intervalos nublos tendiendo rápido a aumentar hasta cubrir por completu’l Principáu.
Los bastios van dir de menos a más conforme trescurran les hores y nun se refuguen que puedan ser localmente significatives y acompañaes de nubes ocasionales. Los vientos van predominar de noroeste fluexos.
