Natura

«Cuando tas demasiáu alloñáu de la naturaleza, el to espíritu ensúgase y muerre, porque foi violentamente dixebráu de so raigañu» (Anthony de Mello)


Nesta páxina atoparás noticies sobro´l Mediu Ambiente, naturaleza, fauna y flora.

Encamiento ver la serieOne strange rock presentada por Will Smith, ufiertada por National Geographic, canal de Disney + y tamién en Netflix.

Narra los máxicos xiros del destín que dexaron qu’haya vida solo na Tierra. Una hestoria estraordinaria puesta en perspectiva gracies a los astronautes, los únicos que salieron d’ella. Ún d´ellos, Chris Hadfield, cantó esti preciosu canciu de David Bowie: “Space Oddity”pa dispidise de l´Estación Espacial Internacional.

Na so propia canal de Youtube, Chris xubió un vídeu nel qu’aconseya a la sociedá cómo faer más llevadera la cuarentena na qu’atopamos. Nel vídeu, fala de dalguna de les sos esperiencies pasaes y de la importancia de ser conscientes del riesgu real qu’una pandemia supon amás de qu’informemos de fontes fiables y non de too lo que podamos lleer.

La meyor manera de llevar el tiempu ye marcase pequenes metes y llogros personales que queremos consiguir siempres dientro de la nuesa llimitación actual, asina como entamar una actividá nueva, como tocar un preséu o aprender un idioma.