- Alborecemos con nubes ya claros o abancios ya con unes temperatures fresques que tan alrodiu de los 10ºC, rexistrándose nel puirtu Payares 3,3ºC.
- Güei vamos tener intervalos nubosos entemecios ente dellos claros o abancios con unes temperatures másimes en llixeru ascensu. L’aire sedrá sele ya variable con predominiu del nordés nel llitoral onde puen surdir raches moderaes nes hores centrales del día.
- Mañana sábadu vamos tener el día nublo y amás les temperatures másimes descenderán moderadamente con másimes perdebaxu de los 20ºC, mentantu les mínimes van recuperase dalgo.
- El domingu paez qu’escamplará y va tar el cielu poco nuboso con un ascensu moderáu de les temperatures másimes pero descensu de les mínimes por mor del cielu poco nuboso.
- Y la selmana viniente paez que pue llover dalgo’l martes y el restu la selmana va ser más afayaiza con ascensu de les temperatures ya nubes ya claros nel cielu pero esto yá lu diremos viendo.
