El Día Mundial de la Lleche ye una fecha que se conmemora añalmente’l 1 de xunu dende 2001, propuestu pola Organización de les Naciones Xuníes para l’Alimentación y l’Agricultura (FAO) ese mesmu añu. Foi propuestu en 2001 pola FAO para celebrar tolos aspeutos rellacionaos cola lleche y l’industria láctea. Esta iniciativa surdió coles mires de centrar l’atención na lleche como alimentu global y espublizar les actividaes venceyaes a esti sector. La elección de la FAO como entidá promotora sorraya la importancia de la lleche na alimentación y economía mundial.
La lleche ye un alimentu bien nutritivo qu’apurre enerxía, proteínes y micronutrientes a quién la peracaben, y contribúi a amenorgar la fame y la desnutrición nel mundu.Dizse que ye unu de los alimentos más completos qu’esisten. Bastante ye que, ye’l primer alimentu que tomen los seres humanos al nacer. Wikipedia
Un vasu de lleche apurre aprosimao un 30% de la dosis diaria de calciu encamentada, elementu imprescindible para la formación y desenvolvimientu de los güesos. Amás, contien otros nutrientes necesarios para la vida como fósforu, magnesiu, cinc, yodu, seleniu y vitamines A, D y del complexu B. Tamién contien ácidos grasos, hidratos de carbonu, proteínes y agua.
Amás de lo más obviu, son múltiples los beneficios de consumir lleche y derivaos lácteos, como yogures y quesos.
- Ayuda a conciliar el suañu. Siempres se dixo qu’un vasu de lleche caliente antes de chase diba bien pa relaxase.
- Ye importante pa la hidratación, yá que contien gran cantidá d’agua.
- Previen enfermedaes cróniques non trasmisibles como la diabetes, la hipertensión o trestornos cardiovasculares.
- Ayuda a caltener los güesos fuerte y sanu, gracies al calciu y otros elementos.
- Previen les afecciones dentarias y bucales.
- Neutraliza l’acidez estomacal yá que ye un alimentu alcalino.
- Promueve la crecedera de la flora bacteriana intestinal.
- Encamiéntase la ingesta de siquier trés porciones de lácteos o derivaos al día, siendo bien importante crear el vezu nos neños.
