La Fundación para’l Fomentu n’Asturies de la Investigación Científica y la Tecnoloxía (FICYT), entidá dependiente de la Conseyería de Ciencia, Industria y Empléu, pon en marcha’l Concursu de fotografía Asturies y l’Eclís Solar 2026, con motivu del eclís total de Sol previstu para’l 12 d’agostu de 2026, visible de forma destacada dende Asturies.
El concursu ta dirixíu a fotógrafos aficionaos y profesionales, ya inclúi la categoría Clise na aula empobinada a alumnáu d’Educación Secundaria, Bachilleratu y Formación Profesional. Concurso fotográfico eclipse solar.
Con esta iniciativa, la FICYT refuerza’l so compromisu cola divulgación científica nel ámbitu educativu, ufiertando ferramientes para encetar l’estudiu de fenómenos astronómicos como los eclises solares y promover l’interés del alumnáu pola ciencia.
El concursu, dirixíu a centros educativos y alumnáu propón captar imaxes rellacionaes col eclís solar y fomentar asina la observación, la creatividá y l’interés pola ciencia.
Coincidiendo con esta iniciativa, la FICYT punxo en marcha una web específica sobro l’eclís solar, na que se recueyen materiales didácticos empobinaos a los centros educativos entamaos por etapes (Educación Primaria, Educación Secundaria y Bachilleratu), lo que facilita’l so usu na aula. Recursos educativos por etapas
