La Manxoya prepárase pal so despegue urbanísticu
Son les obres de construcción de 160 viviendes unifamiliares previstes en La Manxoya. Van llevantase en tres fases. La primera d’elles son 27 xalés, de los que, un 70 por cientu tán yá vendíos. Ta previsto que se dean nunos 18 meses. La mesma promotora va construyir nestos terrenos otres tres urbanizaciones con más de 400 viviendes n’altor señala Diego Suárez, director Comercial de Copun.
Nesta parcela, otra promotora empezó tamién los trabayos pa llevantar un centenar de pisos. El despegue urbanísticu d’estos terrenos dempués de munchos años de paru, ye bien recibíu na zona apunten Eduardo Arnáez, alcalde de barriu de La Manxoya; Paz Rey, de l’Asociación de Vecinos Santiago de La Manxoya; y Francisco Álvarez, vecín de La Manxoya.
En total, los proyectos en marcha agora en La Manxoya van dexar más de 600 nueves viviendes nun plazu d’unos 6 años. A elles podríen sumase, futures urbanizaciones previstes en parceles que tán entá en venta.
Los vecinos esperen que’l desenvolvimientu urbanísticu venga acompañáu tamién d’un aumentu de servicios, especialmente, tresporte urbanu y equipamientos médicos y culturales que lleven reclamando dende va años.
