- Autora CARMEN ÁLVAREZ @carmenalvillustrates
- Testu JEAN MARIE AUEL (adaptación)
Aquel 11 d’abril, un Xueves Santu cualqueira, empezó como una aventura más para un grupu de chavales del grupu de monte Torreblanca de Quirós y acabó convirtiéndose nun momentu históricu.
Ensin buscalo, meter por una pequena torca del Macizu de Ardines, llamada’l Pozu’l Ramu y atopáronse con unu de les mayores ayalgues del arte paleolítico del mundu: la cueva de Tito Bustillo.
Primero apaeció’l Camarín de les Vulvas. Y pocu dempués como n’una película, un fogonazu del carburu allumó la escuridá y dexó al descubiertu l’impresionante Panel de los Caballos, ye fácil Imagínar la emoción del momentu, de sópitu, l’arte de fai miles d’años mirándote a la cara.
Nos díes siguientes nun pararon de baxar a la cueva, inclusive con periodistes. Tou yera emoción, ganes d’enseñar lo descubierto, ensin ser conscientes de la magnitú del afayu.
Güei, lóxicamente cerraríase rápido pero naquel momentu vivir d’una forma bonal, lo que supunxo grandes perdíes irrecuperables.
Pero la hestoria tien tamién un llau bien duru.
Solo trés selmanes dempués, unu de aquel chavales, Celestino Fernández Bustillo, devasáu de xuru pola movición y dsiputas (Toos queríen llevase los réditos de lo atopao: el Patronatu, la Universidá, los Grupos d’Espeleoloxía (GESA), entós nun había federación), “Tito”, finaba con 18 años nun accidente de monte na Cueva La Canal, a los pies del Picu Gorrión. Esto fixo que’l grupu decidiera que la cueva llevaría’l so nome en cuenta de el de Torreblanca como s’había propuestu.
De magar, Tito Bustillo nun ye solo un llugar clave del arte prehistórico. Tamién ye una alcordanza viva d’aquel grupu de mozos que, ensin sabelo, fixeron hestoria… y d’unu d’ellos que quedó para siempres amestáu a ella.
- Carmen Álvarez ye graduada n’Hestoria del Arte y ta especializada n’ilustración infantil ,cuenta con delles publicaciones na so haber.
- Jean Marie Auel, escritora americana conocida pola so saga Los Fíos de la Tierra.
