Revelio Audiovisuales (Fb) naz en Xixón y trai a la ciudá uno de los mayores ciclogramas del Principáu. Una estructura de más de 20 metros cuadraos, con fondu infinitu para esaniciar esquines y solombres y facilitar la construcción de proyectos. Revelio Audiovisuales instala en Xixón un ciclograma en forma de L con más de 20 metros cuadraos. RTPA
Revelio Audiovisuales naz en Xixón y trai a la ciudá unu de los mayores ciclogrames del Principáu. Una estructura de más de 20 metros cuadraos, con fondu infinitu pa desaniciar esquines y solombres y facilitar la construcción de proyectos.
L’espaciu va celebrar la so inauguración esta mesma tarde y llega con una filosofía clara: ufiertar nun mesmu llugar tolos recursos necesarios pa impulsar producciones audiovisuales de gran formatu n’Asturies.
Tamién busca fomentar la fotografía, el videu y la creación de conteníu de calter profesional y ayudar a empreses a dixitalizar los sos negocios.
Van poder conocelos meyor na Feria de Muestres, onde van tar dende mañana hasta’l próximu 8 d’agostu.
Pa los sos creadores, Álex Santos y Andrea Segurola, esti apueste pol emprendimientu mozu supón tou un retu.
📸 Andrea A. Segurola, no gráfico, y Álex Santos, no audiovisual, dan el so toque personal a encargos de festivales, convenciones, conciertos, romeríes, bodes o comuniones, y ocúpense de que los veceros pueden centrase na organización o esfrute de los acontecimientos; amuesa’l so trabayu nel stand de Xixón Impulsa na Feria. Mi Xixón
Con local físicu inauguráu este mesmu vienres na cai Consolación número 5, nel barriu d’El Llanu, la so máxima ye que’l veceru se despreocupe de la tema gráfica y audiovisual del eventu en tou momentu.
