Esti domingu, 19 d’abril de 2026, a les 13.00 hores, va tener llugar la presentación de la obra d’Evaristo: «Don Gaspar Cienfuegos-Xovellanos y Bernaldo de Quirós», apocayá donada a la Fundación Muséu Evaristo Valle por un coleccionista particular. N’imaxe: Don Gaspar Cienfuegos-Xovellanos y Bernaldo de Quirós, c. 1949, Evaristo Valle. Oliu sobro llenzu, 100 x 91 cm. Fundación Museo Evaristo Valle. Donación colección particular.
El llenzu participó na esposición “Llibertái encorsetada. Mediu sieglu de moda na pintura d’Evaristo Valle” y, tres la clausura, fíxose efectiva la donación del mesmu al Muséu gracies a l’arrogancia de los sos propietarios.
El cuadru incorporóse a la exhibición permanente de fondos del autor, con temátiques tan relevantes dientro de la so trayectoria como les semeyes o arquetipos, les escenes nel paisaxe, les xentes del mar, les estampes cubanes y les carnavalaes, ente otros.
Paradigma local del tipu d’aristócrata disoluto, don Gaspar Cienfuegos-Xovellanos y Bernaldo de Quirós (1867-1958) yera llamáu Gasparón pola so fortaleza y estatura. Na década de 1940, foi convidáu habitual de María Rodríguez del Valle y José María Rodríguez, sobrinos del pintor Evaristo Valle (1873-1951), na so propiedá de La Redonda, güei Muséu Evaristo Valle.
Valle taba emparentáu con Gasparón per vía materna al traviés de los Bernaldo de Quirós.
N’una d’eses velaes, Valle atopó la inspiración pa esta semeya, onde Gasparón apaez representáu nel esterior de la so casa solariega familiar de Pion (Villaviciosa). Acompañáu por trés de los sos perros, atiende a la llectura que realiza’l cura, pos, a la fin de la so esistencia llicenciosa, la so devoción relixosa amontóse, combinada con un sentíu del humor irreverente y unos modales bocayones qu’esibía ensin nengún pudor ente los sos amigos.
La presentación de la obra va correr al cargu de Francisco Zapico, patronu del Muséu, quien va plantegar un percorríu alredor de la complexa y variada simboloxía latente en tol cuadru, amás d’un analís formal y otres considerancies técniques.
L’actu va sirvir, coles mesmes, pa repitir l’agradecimientu de la Fundación Muséu Evaristo Valle a los donantes, por faer posible l’esfrute públicu d’una pintura tan importante. ¡Esperámosvos!
