Publicado en Mina, Xoyería, Xoyes

Escaséa l’acebache n’Asturies

Seis artesanos del acebache amuesen los sos productos na cai Gil de Jaz d’Uviéu. Los artesanos del acebache sollerten de la escasez de materia primo y del riesgu pa la continuidá d’esti oficiu tradicional n’Asturies. LNE /galería /   #Azabache #Artesanía #OficiosTradicionales #Oviedo #Asturias #TPA_CR

El mercáu del acebache d’Uviéu baxa la persiana: los artesanos, satisfechos con una feria onde volaron les figas. Hubo munchos estranxeros, dicen los profesionales de la cita, favorecida pol emburrión turísticu de la ponte de Tolos Santos.

Los maestros acebacheros piden a les alministraciones qu’apuesten por sacar el mineral.

Falta acebache. Y eso podría poner en riesgu la continuidá d’esti oficiu artesanal n’Asturies. Ye lo que dicen los maestros acebacheros axuntaos esta ponte nel mercáu instaláu na cai Gil de Jaz d’Uviéu.

La escasez de material yá provoca que se tenga que trabayar en pieces más pequeñes y que falte tamién relevu xeneracional.

Piden a les alministraciones qu’apuesten por sacar el mineral.

Va sieglos, surdió un oficiu que tuvo la so razón de ser na estracción n’Asturies d’un mineral únicu nel mundu: l’acebache. Los sos profesionales yeren los acebacheros, que lu vendíen ensin tratar a los xoyeros pa facer artesaníes con gran salida ente los pelegrinos a diben a Santiago de Compostela.

Llegáu un puntu, los acebacheros tornáronse tamién n’artesanos empecatando, al pie d’esta suerte d’oru negro, la plata, pa poder ganase meyor el pan, yá que la orfebrería dexaba’l mayor beneficiu. D’aquella llinia de maestros proceden los artesanos del IV Mercáu del Acebache d’Uviéu, los postreros qu’aguanten nel Principáu, que piden ayuden énte la escasez de material y l’amenaza de la estinción. Ellos son los que ufierten en seis casetes, hasta’l día 2 de payares na cai Gil de Jaz, complementos de tou tipu y condición con esti material tan tradicional, fascinante y históricu.

La cuarta edición del Mercáu del Acebache d’Uviéu echó ayeri’l zarru nos sos seis casetes de la cai Gil de Jaz con coincidencia unánime en prestu ente los profesionales del gremiu. Tres de cuatro intenses xornaes d’exhibición y venta directa, los talleres participantes despidieron l’alcuentru con una valoración común bien positiva.

La notable afluyencia, potenciada pola ponte festivu, dexó sostener la facturación en niveles similares a exercicios anteriores, sofitada por una vecería na que destacaron los visitantes foranos, tanto turistes estranxeros como nacionales, que dieron un emburrión a les ventes. Ente los mostradores, l’interés concentróse especialmente nes tradicionales figas proteutores, que lliteralmente volaron, anque tamién nos perendengues y les creaciones que engastan canil de mamut siberianu.

Autor:

Maestra de Llingua Asturiana Colexu Carmen Ruiz-Tilve - Uviéu