Publicado en Artesanía, Ganadería, Premios

Paz Mesa, finalista nos Premios Nacionales d’Artesanía

L’artesana Paz Mesa, finalista nos . La texedora de Les Regueres opta al galardón al Emprendimiento col so proyectu, que recupera los telares tradicionales, la llana de oveya xalda y los tintes naturales. La Voz Trubia /

 

Paz González Mesa, responsable del taller Paz Mesa Espaciu Testil Rural, asitiáu en Puerma (Les Regueres), figura ente les finalistes al Premiu al Emprendimiento de los Premios Nacionales d’Artesanía 2026. L’artesana vuelve asina a tar presente nestos galardones estatales, nos que yá foi finalista en 2025 na mesma categoría. La selección reconoz el so apueste por recuperar los oficios testiles tradicionales dende una perspectiva contemporaneo y venceyao al mediu rural.

El so trabayu desenvuelvese nun taller allugáu nuna antigua casa llabradora de Puerma, onde ellabora texíos a mano en telares tradicionales de baxu lizo. Bufandes, chales, cobertores y otres pieces testiles tomen forma a partir de fibres naturales, con especial atención a la llana de la raza autóctona oveya xalda, y al empléu de tintes vexetales. Les sos creaciones combinen técniques tradicionales, diseñu actual y materiales amestaos al territoriu.

La trayectoria de Paz Mesa ta venceyada al caltenimientu de conocencies testiles tresmitíos mientres xeneraciones y al aprovechamientu de recursos locales. En formándose mientres años en tejeduría, filáu y tintorería natural, decidió dexar el so trabayu na Alministración pa poner en marcha’l so propiu proyectu profesional en Puerma. Dende’l taller tamién desenvuelve actividaes de divulgación y formación p’averar estos oficios a nuevos públicos.

La candidatura de l’artesana de Les Regueres enmÁrcase nuna edición de los Premios Nacionales d’Artesanía qu’axunta 16 finalistes nes sos distintes categoríes. Nel apartáu de Emprendimiento va competir con Pilar Ureña Escaríz, Claudinas y Feltros Esculpíos y Artesanais. La ceremonia d’entrega de los galardones ta prevista pal 27 de payares nel Teatru Principal de Zamora.

 

 

Autor:

Maestra de Llingua Asturiana Colexu Carmen Ruiz-Tilve - Uviéu