Publicado en Ganadería

«Llangréu natural», nos Talleres del Conde

«Llangréu natural» estrena allugamientu nos Talleres del Conde, con muncho más espaciu que n’ediciones anteriores, y esta novedá paez tar atrayendo, no que va de fin de selmana, a enforma públicu. Hai amuesa y concursu de races autóctones asturianes (gochu asturcelta, asturcón, pita pinta, cabra bermeya y oveya xalda), hubo pesaje de calabaces xigantes», paseos n’asturcón meyor que los caballinos de les fiestes» y tou tipu d’espositores y vendedores con productos artesanales y de la güerta. LNE

Publicado en Día de..., Ganadería, Muyer

Día de la muyer rural d’Asturies 2026.

Les muyeres rurales desempeñen un papel esencial na xestión sostenible del territoriu, la producción d’alimentos y la preservación de la redolada.  Son motor de cambéu y pilastres del desenvolvimientu rural.#DíaDeLasMujeresRurales

Nesti eventu reconocer de manera pública a Úrsula Villabrille Martínez y faíse-y entrega de la escultura diseñada a costa fecha por Kiko Urrusti. 15 d’ochobre Auditoriu Félix Menéndez – Casa de Cultura d’A Veiga /11:30 hores. Inscripciones: https://forms.gle/5qFnmknGoGqPnP736

Sigue leyendo «Día de la muyer rural d’Asturies 2026.» →

Publicado en Ganadería, Premios

Una ganadera caprina d’Ayande, Muyer Rural d’Asturies 2026.

Úrsula Villabrille, ganadera caprina n’Ayande, ye la Muyer Rural d’Asturies 2026. El galardón pon en valor tantu’l trabayu de la muyer que se desempeña y vive nel mediu rural. El galardón pon en valir la xera de la muyer que trabaya y vive nel mediu rural. La Voz

Úrsula Villabrille, ganadera caprina n’Allande foi galardonada güei como Muyer Rural d’Asturies 2026. 37 candidatures optaben al premiu que da la Rede Asturiana de Desarrollu Rural. «Anque la tecnoloxía ayude, la ganadería sigue siendo un oficiu tradicional»

 

Sigue leyendo «Una ganadera caprina d’Ayande, Muyer Rural d’Asturies 2026.» →

Publicado en Ganadería

Cabanes de pastores nos Picos d’Europa

⛰️ Cabanes de pastores nos Picos d’Europa. Formen parte del paisaxe, pero tamién de la hestoria d’estos montes. Mientres xeneraciones, les cabanes tuvieron amestaes a l’actividá ganadera y a la vida de los pastores nos puertos de los Picos d’Europa, sirviendo d’abelugu mientres les temporaes de pastoréu.

🐄 Una amuesa de la relación ente les persones, la ganadería y un territoriu que caltien un importante patrimoniu natural y cultural. 📍 Y si quies conocer de barganal xuna d’estes cabanes, puedes visitar el Centru de Visitante Pedro Pidal, nel Parque Nacional de los Picos d’Europa.

Publicado en Alimentos, Feries, Ganadería

AGROPEC, 40 Feria del Campu y güerta asturiana

AGROPEC, 40 Feria del Campu y de les Industries Agrícoles, Ganaderes, Forestales y Pesqueres. 

 25 al 27 de setiembre / 11 a 20 horas / Recinto Ferial Luis Adaro/ 2,60€ / LNE / Semeyes /Asturcones, pites, coneyos y calabaces… yá ta tou llistu en Xixón para una nueva edición de Agropec: “Cada vez hai más afición”
La cortil ferial Luis Adaro peracaba los detalles para una edición con más de 2.500 animales y 160 espositores

Sigue leyendo «AGROPEC, 40 Feria del Campu y güerta asturiana» →

Publicado en Fiestes d'interés turísticu, Ganadería

XLVI Fiesta del Asturcón, en plena Sierra del Sueve

Un espectáculu únicu de marcaje, monta y adomadura de los caballos asturcones, amás de diverses actividaes para tolos públicos, na Mayada de Espineres el sábadu 22 d’agostu.

La Mayada de Espineres, en plena Sierra del Sueve, volverá convertise’l sábadu 22 d’agostu nel escenariu d’una de les celebraciones más singulares del branu asturianu. La XLVI Fiesta del Asturcón va axuntar a ganaderos, criadores, vecinos y visitantes en redol a una raza autóctona que mientres décades se crió en llibertá nestos montes y que la so recuperación tuvo estrechamente amestada al trabayu de los ganaderos de la zona. La fiesta ta declarada d’Interés Turísticu Nacional.

Sigue leyendo «XLVI Fiesta del Asturcón, en plena Sierra del Sueve» →

Publicado en Alimentos, Ganadería

El calor y la seca amenorguen la producción de lleche

El calor y la seca amenorguen la producción de lleche y encarecen l’alimentación del ganáu.

Los ganaderos sollerten del estrés térmicu nes vaques, mientres el preciu de la paya dispárase. Tenrales y vaques de lleche sufren el calor y la seca. La única solución que ven los ganaderos ye esperar a que’l tiempu ameyore, apunta Hermes Naredo, ganaderu Villaviciosa.

Sigue leyendo «El calor y la seca amenorguen la producción de lleche» →

Publicado en Alimentos, Ganadería

GENASTUR: xenética embrionaria pal futuru de l’Asturiana de los Valles

✨ GENASTUR: xenética embrionaria para impulsar el futuru de l’Asturiana de los Valles. Dende ASEAVA siguimos trabayando por que la innovación llegue al campu y tradúzase en ferramientes reales para los nuesos ganaderos. Con GENASTUR queremos avanzar na aplicación de la tresferencia embrionaria, la selección xenética y el manexu reproductivu afechu a la nuesa raza, con un oxetivu claru: ameyorar la eficiencia, acelerar el progresu xenéticu y reforzar el futuru del vacunu de carne asturiano.

🚚🔬 Innovación en campu 🧬Ameyora xenética aplicada 🐮 Raza Asturiana de los Valles 🌱 Sostenibilidá y relevu xeneracional🤝 Trabayu conxuntu entre ASEAVA, CAMPOASTUR y SERIDA. Un proyectu pa poner la ciencia y la tecnoloxía al serviciu de la ganadería asturiana. Proyectu GENASTUR, con una ayuda concedida de 112.971,40 €, cofinanciáu pola Unión Europea al traviés del Fondu Européu Agrícola de Desenvolvimientu Rural — FEADER, el Principáu d’Asturies y l’Alministración Xeneral del Estáu

Publicado en Campu d'Asturies, Concursu, Ganadería

La meyor vaca d’España críase en Salas y esíbese en Xixón

La meyor vaca d’España críase en Salas y esíbese en Xixón: estos son les resultancies del Concursu Nacional n’Agropec. Casa Venturo llevóse’l premiu principal del certame, mientres el premiu al meyor fatáu de vaques foise para Castropol y el de meyor criador para Valdés. LNE / LNE / Frisona española / https://www.facebook.com/elcampodeasturias

Sigue leyendo «La meyor vaca d’España críase en Salas y esíbese en Xixón» →