Autora: LORENA PONCELA / Testu: LETICIA SÁNCHEZ
Nun podíamos escoyer un escenariu meyor para celebrar el nuesu númberu 100 qu’un chigre, porque les meyores hestories casi siempres empiecen alredor d’una mesa, y n’Asturies con una botella de sidra esperando’l momentu de ser echada. El chigre siempres foi l’alma de los pueblos y de los barrios, el llugar onde se iguar el mundu ente culín y culín, xugábase la partida, cerrábense tratos, celebrábense les allegríes y tamién s’aldericaba lo que fixera falta.
El chigre dacuando, tamién yera tienda. Mientres unos forfugaben la partida, otros aprovechaben pa mercar el pan, unes madreñes o cualquier cosa necesaria. Ente aquelles parés cabía la vida entera.La so atmósfera forma parte de la memoria colectiva d’Asturies. La barra de madera gastada pelos años, el murmuriu de les conversaciones, el cutir de les cartes sobro la mesa, el tintiniar de les botelles, el soníu inconfundible del escanciáu y aquel arume a sidra entemecíu col serrín ,güei yá sumíu, yá formen parte del patrimoniu inmaterial.La palabra chigre nació en Llangréu. Asina se llamaba l’atélite mecanismu de rabil utilizáu pa mover cargues que pasó a designar un sacacorchos creáu p’abrir botelles de sidra. Aquel instrumentu aportó a tan popular qu’acabó bautizando’l llugar onde la sidra yera l’auténtica protagonista.
- Lorena Poncela @muchoescayostudio ye ilustradora y diseñadora gráfica. Dende’l so proyectu Mucho Escayo Studio esquiza la guapura de lo cotidiano y del paisaxe asturiano, construyendo un universu visual onde tradición y contemporaneidad dialoguen con naturalidá.
- Leticia Sánchez Ruiz @letisaurus ye periodista, profesora de narrativa y una de les escritores más destacaes de la novela negra española. La so mirada lliteraria, siempres atenta al territoriu y a quien lo habiten, convierte lo cotidiano en materia narrativo.
@theasturianer
#coverilustration
#culturaasturias
#chigresquéllugares
#ilustraciónasturias
